@ 
我哋WCH JPC一連兩日（25-26/07)去到北潭涌訓練營，喺輕鬆嘅自然環境挑戰自我，感受團體生活，迎接新學期！
我哋喺第一個活動變身做馬騮，學攀樹！雖然有啲會員一開始畏高，但係最後我哋全部人都成功挑戰自我，完成每條路線嘅攀樹目標，叻仔叻女！
之後就去到BBQ環節，WCH JPC每個會員即刻分工合作，發揮團隊精神，我放炭時你生火，你落蜜糖我煎肉，個個都食到舔舔脷！而大家都食飽飯嘅時候就緊係要做啲熱身運動幫助消化，夜間野外定向呢啲活動梗係唔少得啦！大家都玩到出晒汗，返到宿舍可以早啲瞓啦！
到第2日朝早7點鐘，舒展筋骨嘅早操少不免啦！睇吓大家個樣幾精神！之後我哋一齊進行咗各種破冰同埋團建遊戲，訓練大家嘅溝通能力、領導能力同埋團體合作，喺遊戲入邊都發現到唔少有潛質嘅小領袖。最後我哋食埋個豐富嘅午餐就一齊搭旅遊巴依依不捨咁離開北潭涌度假營啦，真係超豐富超滿足啊！！！
@ 