@ 
由沙田體育會主辦、沙田民政處贊助及協辦、中國香港手球總會支持嘅「沙田區迎接十五運會青少年手球比賽2025 」喺2025年6月26日至7月6日期間順利舉行！
今次比賽分中學男子組同女子組 ，各有六隊學校參加 。經過五日激烈嘅比賽競技 ，最終由德信中學及青年會書院分別勇奪男、女子組冠軍。
6/7，沙田民政專員余懷誠、沙田鄉事委員會主席莫錦貴、沙田體育會會長韋國洪，以及中國香港手球總會董事會主席何仲浩等多位嘉賓出席喺馬鞍山體育館舉行嘅決賽及頒獎典禮 。
今次活動旨在推廣手球運動之餘，亦為香港賽區承辦嘅十五運會男子組手球賽事預熱！典禮會場特意放置十五運會吉祥物「喜洋洋」同「樂融融」 ，等參與者可以selfie打卡 ！兩隻吉祥物人氣爆登 ，一眾嘉賓 、選手 同觀眾都爭相影相留念。
@