@ 
天氣熱辣辣，新界社團聯會、新界各界慶委會同埋北區民政處合辦嘅「繽Fun同樂 慶祝香港回歸祖國二十八周年嘉年華」就喺皇后山邨露天廣場舉行，令氣氛更加熾熱 ！民政及青年事務局副局長梁宏正同北區民政專員賴子堅專登到場支持打氣，同街坊一齊開心賀回歸 ！
嘉年華入面最受小朋友歡迎嘅，當然係吹氣城堡同小型賽車場啦！舞台上面亦有唔同嘅表演，滿足大朋友嘅胃口。為配合今個月係香港第1個非遺月，主辦單位就特別安排非遺手工工作坊，畀街坊體驗做手工嘅樂趣。好多皇后山居民一家大細 落樓參加嘉年華，場地逼爆哂，亦令我哋感受到皇后山係一個充滿活力 嘅社區！
為咗與眾同樂慶回歸，主辦單位特別派發消費優惠券 ，街坊可以喺皇后山商場嘅十間餐飲店鋪使用。街坊有得開心幫襯之餘，仲可以刺激消費 ！
副局長除咗嚟到主禮同埋同街坊傾偈 之外，仲有同多位北區區議員同關愛隊成員交流，感謝佢哋紮實嘅地區工作 ，尤其係喺過去一個月皇后山食水事件 當中嘅努力。無論係喺事件初期派發超過7000支飲用水，定係喺7號嘅週末做咗1500次家訪、開街站為街坊登記800個個案，仲有同商戶、食肆同街市檔 嘅員工傾偈了解情況，都有區議員嘅參與 ，用實際行動回應居民需要。副局長盛讚區議員同關愛隊 ，仲鼓勵佢哋繼續用行動凝聚居民 ，共建關愛北區 ！
