@ 
喺過去嘅周末（5-6/7），黃大仙民政處聯同地區團體舉辦一系列以紀念抗日戰爭勝利80周年及青年發展為主題嘅活動 ，同大家一齊回顧一下啦 ！
1、中國人民抗日戰爭勝利80周年社區電影欣賞啟動禮
2025年係中國人民抗日戰爭暨世界反法西斯戰爭勝利嘅80周年，九龍社團聯會黃大仙地區委員會同黃大仙民政處喺5/7合辦「中國人民抗日戰爭勝利80周年社區電影欣賞啟動禮」 ，透過放映一系列影片，呈現喺抗日戰爭期間愛國者奮勇抗敵嘅經歷，讓市民認識歷史、緬懷先烈，加深巿民嘅愛國精神同國民身份認同 。
黃大仙民政專員Thomas、九龍社團聯會黃大仙地區委員會主任何漢文、香港賽馬會對外事務高級經理杜潔明及一眾地區賢達蒞臨主禮 ，並一同欣賞影片 。
2、青年與你2025 - WTS全城慶回歸迎全運定向比賽
東九龍青年社尋日(6/7)喺嘉諾撒小學舉辦「青年與你2025 - 黃大仙全城慶回歸迎全運定向比賽」，同大家一齊慶祝香港回歸祖國28周年，同時迎接即將舉行嘅第十五屆全國運動會 。
中聯辦九龍工作部副處長鄭成庚、黃大仙民政專員Thomas、文化體育及旅遊局局長政治助理招文亮、香港警務處黃大仙區指揮官楊鎮波總警司、一眾地區領袖及校長蒞臨主禮，為比賽揭開序幕 。
今次比賽吸引咗50間中、小學，約170位同學同家長參加。各個隊伍都全情投入，向目標進發，力爭殊榮 。
3、第十七屆九龍地域傑出學生選舉初賽
九龍地域校長聯會、香港青年協進會聯合主辦嘅「第十七屆九龍地域傑出學生選舉」喺5/7舉行初賽 。九龍地域傑出學生選舉一直以「發掘優秀人才，培養菁英棟樑」為宗旨，表揚九龍五區內品學兼優、熱心服務及有多元發展嘅學生 。
九龍五區民政處代表、黃大仙區及油尖旺區青年發展及公民教育委員會委員，以及一眾嘉賓擔任初賽評審，選出優秀學生晉級決賽 。希望各位同學仔能夠越戰越勇，遇強越強，喺之後重重考驗中脫穎而出 ！
@ 
@