@ 
尋日（8/7）深水埗區500位基層小朋友同屋企人去咗香港迪士尼樂園 ，參加「童享奇夢—迪士尼歡樂行」活動，享受奇妙嘅一天。
樂園嘅神奇魔法令到大人同小朋友都玩得好盡興。今次活動體現深水埗區各界團體凝聚社區力量，將關愛化作實際行動，為孩子們帶嚟一日嘅奇妙之旅，締造美好回憶。
深水埗民政專員王浩宇喺小朋友入園之前，到場同大家影大合照 ，並向香港迪士尼代表致送感謝狀 ，多謝香港迪士尼喺慶祝20周年之際，向非牟利機構捐岀20萬張門票。活動由諾言慈善基金會主辦，深水埗居民聯會、深水埗左鄰右里關愛社、南昌北居民聯會、南昌東之友、深水埔街坊福利會、南昌關愛社及香港廣西崇左市同鄉聯誼會協辦，並獲多名深水埗區議員支持。
