油尖旺第三屆少數族裔青年灣區研習之旅

油尖旺民政處今年再次邀請信義玻璃及新家園協會合辦五日四夜灣區研習團，十名少數族裔學員今日（11/7）完成結業儀式。

油尖旺民政專員余健強第一日去咗深圳見證開班，特別多謝信義玻璃李聖根連續第三年畀機會一班南亞裔青少年探索大灣區嘅機遇。

今年五日四夜行程滿滿，十名少數族裔青年男女除咗可以喺全球最大規模嘅信義玻璃體驗內地企業嘅運作模式，亦到訪咗其他高新技術企業及園區，了解內地近年創新科技方面嘅發展。

一眾學員都表示今個旅程收穫豐富，特別多謝李先生抽時間帶佢哋四處參觀。

BP 大平台