@ 
為加深青年對精神健康嘅了解 ，黃大仙青年發展網絡成員今日(25/7)聯同一眾區內青年參觀設於青山醫院內，全港首間嘅精神健康體驗館（Mind Space） 。
喺Mind Space入面 ，青年朋友除咗能夠了解精神治療嘅發展以及精神健康嘅知識外 ，亦可透過VR 體驗幻覺及幻聽 等徵狀 ，親身感受精神病患者喺生活上面對嘅各項挑戰 。青年朋友仲有機會同精神病康復者交流 ，了解佢哋患病及康復經歷 ，消除對精神病人嘅誤解 。
今次嘅互動體驗相信有助提升青年朋友對精神健康嘅關注同認識 ！希望大家更關心自己以及身邊家人朋友嘅情緒健康 ，積極面對生活上嘅挑戰 ，共建共融友愛嘅社區
