第23屆九龍城區學校優秀家長嘉許禮

九龍城區家長教師會聯會同各夥伴早前(6/7)攜手合辦「第23屆九龍城區學校優秀家長嘉許禮 」。活動當日，現場氣氛熱烈，掌聲不斷 ，大家共同見證咗區內60間中學、小學及幼兒園／幼稚園嘅177位優秀家長榮獲嘉許。家長們無私奉獻，積極參與各類活動，與學校攜手培育出優秀嘅下一代。

多位嘉賓包括香港教育工作者聯會副會長兼立法會議員鄧飛、香港都會大學副校長鄺志良、香港警務處九龍城指揮官陳少鳴、九龍城民政助理專員胡皓文、教育局高級學校發展主任李美姍等出席支持嘉許禮。鄧飛議員強調家校合作與溝通嘅重要性 ，並鼓勵家長喺人工智能時代積極把握創新科技為青少年發展帶來嘅機遇 。鄺志良副校長則衷心感謝每一位校長、老師及家長嘅辛勤付出，並鼓勵佢哋與青年人保持緊密溝通 ，培育出具有正面價值觀同責任感嘅青年人。

呢次活動不僅係對優秀家長嘅肯定，亦係對家校合作精神嘅進一步弘揚。活動期間，聖公會聖三一堂中學嘅同學仔為嘉賓精心沖咖啡同沏茶 ，充分展示生涯規劃教育嘅學習成果。九龍城民政處將繼續與地區團體、學校同家長推動家校合作，共同為下一代嘅成長創造更加理想嘅環境 ，讓佢哋展現潛能，迎接美好未來。