@ 
近日，屯門區舉辦咗「屯門區慶祝香港特別行政區成立28周年綜藝晚會」，同各位區內街坊朋友一齊慶祝香港回歸祖國28年呢個喜慶嘅日子！
晚會由屯門民政專員關可臨、行政會議兼立法會議員及屯門文藝協進會主席劉業強、中聯辦新界工作部處長李偉希、屯門區議會社區參與及文化康樂委員會主席巫成鋒主禮，並同過千街坊一齊觀賞精彩表演 ，共同分享回歸嘅喜悅 ，共度美好又難忘嘅晚上。
活動由震撼而富有動感嘅夜光龍 揭開序幕，再由香港藝術發展局及香港八和會館嘅代表合力演出精彩既粵劇折子戲 ，呢兩個表演都係首批被列入國家級非物質文化遺產名錄 ，非常有代表性 。另外，大會亦安排咗屯門區第三十八屆舞蹈大賽金獎隊伍 表演優雅又生動嘅民族舞 ，以及澎拜又動聽嘅中樂演奏 ，當然唔少得多位知名歌手喺台上聯手獻上多首經典金曲 ，真係聽出耳油 ，帶來一個難忘嘅回憶。
今次晚會更喺會場設置咗展板，展示香港特別行政區成立嘅歷史 ，畀大家回顧一下香港回歸祖國嘅過程同加深對「一國兩制」嘅認識 ，提升大家對香港同國家嘅幸福感及歸屬感。
晚會由屯門區議會社區參與及文化康樂委員會社區參與及文化康樂工作小組、屯門文藝協進會同屯門民政處合辦，並由民政總署贊助。
