@ 
今日，我同關愛隊帶咗一班街坊去參觀消防及救護教育中心暨博物館，仲帶埋我仔仔。今次特別嘅活動俾小朋友喺暑假期間有機會近距離睇吓消防車同救護車，佢哋都非常興奮。
一早，我哋坐旅遊巴去博物館。入到博物館之後，小朋友即刻畀場外停放嘅消防車吸引住，興奮咁跑過去圍觀。接住，我哋入咗博物館內部，見到唔同年代嘅救護車同消防車，從早期手推救護車到現代化消防雲梯，每一部車都記錄住消防同救護技術嘅進步同演變。
之後，仔仔見到「任何仁」，即刻非常興奮咁撲過去影相，仲同佢傾偈，真係好得意！
今次我哋仲有機會去參觀救護車內部結構同設備，仲有啲急救情景，俾街坊了解基本嘅急救知識。
呢次參觀活動唔單止令我哋認識到多消防救護嘅知識，更加深咗我哋對默默守護我哋嘅消防員同救護員嘅敬意。呢次活動真係意義非凡又充滿樂趣。
@ 
小朋友參加呢啲暑期好有意義，應該要多搞。