@ 
油尖旺關愛隊最近都有繼續出動，支援受不同事故影響嘅家庭。
1.油尖旺民政處上星期收到警方轉介，有一名與母親相依為命嘅視障男子意外過身。民政處除咗即時同社署協調之外，亦請關愛隊送上關懷。
旺角東關愛隊隊長王子成即日去咗探望死者母親，得悉年邁嘅母親同有視障，日常生活依靠社福機構。
關愛隊會繼續探望之餘，亦已轉介個案至社福團體及相關部門，跟進長遠照顧需要。
2.月初，區內一棟大廈電力系統損毁，供電中斷差不多一整日。
旺角南關愛隊隊長何卓峰一收到油尖旺民政處通知，就聯同副隊長、隊員及區議員楊子熙到場幫手，又協助張貼停電告示。
天氣炎熱令停電更為煎熬，關愛隊「洗樓」時得知一個少數族裔劏房戶嘅數月大嬰兒被熱得嚎哭，就即刻落街購買便攜式風扇畀佢哋解決燃眉之急。
居民多謝民政處及關愛隊嘅跟進，電力先可以迅速喺一日之內恢復。
@