@ 
前日（12/7），香港城市大學嘅City Quest「尋城記」香港導賞計劃正式啟動！計劃希望連結本地社區、教育界及國際社群，讓市民同遊客認識香港多元獨特嘅文化魅力。
開幕典禮嘅主禮嘉賓包括文化體育及旅遊局 Culture, Sports and Tourism Bureau局長羅淑佩、油尖旺民政專員余健強、沙田民政專員余懷誠、九龍城民政專員蔣志豪同深水埗民政專員王浩宇等，親身參與展示對計劃嘅支持。
City Quest 一系列嘅活動已經由今年6月起開始舉行啦，包括：
1. 「故事導賞」徵文比賽：透過參加者嘅「手」，以故事創作嘅形式展現香港嘅魅力、人物與文化。
2. 「行動導賞」大使計劃：透過參加者嘅「足跡」，深度探索同漫遊香港，同時促進跨文化及跨世代嘅交流協作。
3. 「影像導賞」手機攝影比賽：透過參加者嘅「眼」同手機攝影藝術，導賞香港充滿活力嘅景點，加強本地社群嘅凝聚力，以拓展國際聯繫。
隨住地區「深度遊」越嚟越受旅客歡迎，民政處相信 City Quest「尋城記」係好好嘅契機為文化交流同社區發展注入新動力，促進文旅有機結合。期待未來繼續同各界攜手合作推動「無處不旅遊」，一齊將呢座城市獨有嘅魅力呈現於市民同遊客嘅眼前，一齊說好香港故事。
@ 
@