@ 
大埔青網有唔少成員都同各位DSE考生一樣今日放榜。尋晚，大埔民政專員Eunice、大埔區中學校長會主席郭永強校長、大埔青網副主席羅志平同葉俊傑、召集人梁中明同葉昕，以及香港青少年服務處服務總監馬美珍亦一齊親臨東昌街社區會堂為考生打氣 ！
專員勉勵同學仔態度決定高度，無論順逆，只要堅毅到底，任何事都可迎刃而解。郭校長勉勵各位考生「條條大路通羅馬」，無論結果如何，只要有上進心同夢想，大家一定可以行出屬於自己嘅精彩人生！
現場有專業生涯輔導同升學資訊分享，畀考生可以同社工、DSE過來人傾吓心事，諗吓未來嘅方向；仲有得參加多個紓壓活動、減壓手作同遊戲環節，仲有青年band隊用音樂點燃現場氣氛！最後，仲有大埔青網幹事會嘅親手打氣環節，真係每一秒都滿載支持同鼓舞！
大埔青網幹事會今年亦有多名應屆會考生！特別祝福Kelvin, Ding, Elvis, Hebe, Heiman, Adam, Hayden同阿然！
各位DSE考生，記住，DSE只係人生其中一個小站，前面仲有無限可能，誰人都可發光！
