@ 
今年係國安法公布實施5周年。沙田青年社區建設委員會連同青年發展及公民教育委員會委員 喺上個同今個星期一(7/7同14/7)，分別帶領一班沙田嘅中學生 參觀喺尖沙咀香港歷史博物館展出嘅國家安全展覽廳，一齊了解國家安全嘅重要性。
參加者除咗參觀恆常展出嘅六大主題展區，認識中華人民共和國建國歷程、「總體國家安全觀」、「一國兩制」同國安法等唔同主題，亦喺展廳觀看國家安全教育影片《真相》 ，全面了解「修例風波」。
導賞員為委員及學生講解展覽廳嘅內容 ，加深大家對國家安全嘅認識。今次活動加強沙田青年對國家嘅認知同理解，鼓勵佢哋積極參與國家安全建設，自覺維護國家安全 。
