7月27日,律政司副司長張國鈞 Horace Cheung、中聯辦港島工作部副部長王卉、南區民政專員兼南區區議會主席鄭港涌、多位南區區議員、增選委員以及南區關愛隊為「人人享健康 樂活在南區」揭幕。今次係林浩瑋、林澤輝、李卓然同劉熙林首次以區議會增選委員身份出席地區活動,佢哋都好興奮,更期望日後繼續積極參與地區事務!

專員致辭時提到,好高興一眾地區團體再次舉辦「人人享健康 」系列健康推廣活動,提升居民嘅健康生活意識,又積極教大家學習管理健康。適逢今年係中華人民共和國成立75周年,呢一系列嘅健康推廣活動亦正正體現咗「愛國、愛港、愛社區」嘅精神,為南區嘅國慶活動打響頭炮!

嚟緊直到10月下旬,我哋會陸續舉辦20幾場推廣健康嘅活動,包括提供免費健康檢查、季節性流感疫苗接種服務同埋舉辦醫療健康展覽及講座等。呢系列活動除咗幫大家了解自己嘅身體狀況,仲可以及早發現潛在嘅健康問題,採取相應預防措施,大家記得密切留意喇!

南區民政處會繼續聯同區內團體拍住上,一齊將南區打造成健康家園!

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *