@ 
為推動青少年對書法及繪畫藝術嘅興趣，弘揚中華文化傳統，中西區民政處、通善壇及多個伙伴團體每年都會舉辦「全港青少年書畫比賽」，讓青少年可以盡展所長！
今年嘅總決賽已經喺7月27日，喺香港大學陸佑堂圓滿舉行，大會今屆合共收到超過4500份來自港、九、新界各中小學以及青年組別嘅參賽作品，每份作品都要過關斬將先可以闖入總決賽，評判團經過一輪煞費思量，最後分別喺毛筆、硬筆書法、國畫同西畫四個組別中挑選出得奬作品。
申訴專員公署申訴專員陳積志、香港懲教署署長黃國興、中西區民政專員梁子琪、中聯辦港島工作部副部長楊成偉、港區全國政協委員及活動籌委會主席葉永成、教育局局長政治助理蕭嘉怡等一眾嘉賓，亦都到場頒發獎項予各位得獎者！
今年大會更邀請到兩位才華洋溢嘅書畫名家鄭少忠老師及游德成老師喺活動上即席揮毫，讓參加者觀摩學習，增進藝術造詣，激發創作潛能，繪出一片新天地，一齊慶祝同分享香港回歸27周年嘅喜悅！
