@ 
為慶祝香港回歸28周年，由70位沙田區中學嘅師生組成嘅深港籃球文化交流團，喺日前（15-17/7）到訪深圳、東莞兩地，為香港舉辦第15屆全運會籃球賽預熱！
喺行程滿滿嘅三日，參加者除咗觀賞2025年國際籃聯女子亞洲杯中國對南韓嘅比賽，更同東莞中學生切磋球技、參觀專業球員嘅訓練，及分別同現任廣東宏遠隊主教練、前國家隊主教練杜鋒及國際籃聯秘書長Mr. Andreas Zagklis見面交流。大家都獲益良多，仲建立咗港深莞三地寶貴嘅友誼同聯繫，同學們都盡興而歸！
除咗籃球，交流團亦參觀咗坪山東江縱隊紀念館、疍家文化藝術中心、深圳科學技術館等唔同博物館及展覽中心，深入了解國家歷史文化，體驗傳統藝術，探索最新科技，增進咗佢哋對多元文化與科學嘅認識。
今次嘅交流團由沙田民政處、沙田區青年網絡及沙田體育會主辦，並得到中國香港籃球總會、香港沙田區小學校長會及沙田區中學校長會支持。民政處特別鳴謝國際籃聯委員程民蕙嘅悉心安排，讓學生可以認識國際籃球發展，加深了解國家文化歷史，培養佢哋嘅世界觀同愛國情懷！