南音粵樂頌北區

北區慶祝回歸活動精彩連場！近日，北區民政處聯同香港新界北區廠商會、祥華賢毅社、樂群樂聚及北區敬老委員會，喺北區大會堂合辦「慶祝回歸28周年 - 南音粵樂頌北區2025」，多位南音唱家與樂師齊聚一堂，用傳統音樂為社區送上喜悅！

南音係一種用廣州話演繹嘅傳統說唱音樂 ，被列為香港非物質文化遺產項目，喺上世紀20年代就深受粵語社群喜愛。今次活動帶畀大家認識傳統藝術及親身體驗非遺魅力嘅機會。主辦單位邀請咗著名南音演唱家李玉華為大家獻唱 多首經典名曲，包括因近期一套港產電影 而廣為人知嘅《客途秋恨上卷》同埋《除卻了阿九》。大會亦邀請到立法會議員盧偉國獻唱《周邦彥床底嘆五更》 ，現場約400位觀眾都十分投入，氣氛高漲 ！除咗悠揚動聽嘅南音，仲有琵琶、高胡等多種傳統中樂 表演，美妙旋律 響徹整個演奏廳，讓聽眾大飽耳福 。

嚟緊我哋會繼續舉辦更多精彩嘅社區活動，凝聚區內居民，共建和諧北區。