@ 
近日，元朗民政處聯同元朗區慶祝香港特別行政區成立27周年統籌委員會同元朗六鄉鄉事委員會，喺元朗劇院舉辦咗兩場精彩嘅「粵劇欣賞會」。
作為元朗區慶回歸嘅壓軸活動，大會好榮幸邀請到「鳴芝聲劇團」載譽登場，由粵劇名伶蓋鳴暉、吳美英等傾力演出《福星高照》同埋《獅吼記》兩齣大受歡迎嘅劇目。
活動由中聯辦新界工作部副部長葉虎、元朗民政助理專員高倬煒聯同元朗六鄉鄉事委員會正、副主席擔任主禮嘉賓，同一眾元朗區街坊共慶特區政府成立27周年嘅喜悅。全院座無虛席，氣氛熱鬧。完場後，台下觀眾為台上大老倌嘅精湛演出報以熱烈掌聲，睇得相當盡興。每位觀眾都獲得紀念品一份，滿載而歸！
