@ 
作為地區球會，大埔足球會一直扎根大埔社區，推動青訓、支持地區活動同推廣地區體育工作！大埔足球會喺2024-25 賽季再創歷史奪標，除咗喺啱啱過去嘅星期六（19/7）舉辦冠軍巴士 巡遊，仲有21/7新球季啟動典禮；大埔街坊反應熱烈，一同分享呢份屬於大埔區嘅榮耀！
勝利巡遊巴士 由鄉議局大樓出發，駛經大埔多條主要道路；沿途受到大批街坊及球迷熱烈歡呼 ！巡遊隊伍之後喺大埔市中心停留並派發紀念品，唔少球迷專誠迎接，爭取機會與球員同教練合照及索取簽名 ！
大埔足球會今季成績斐然，將代表香港參加亞洲聯賽冠軍盃二級聯賽！尋日舉行啟動典禮，公布新加盟球員及銳意衝出大埔、劍指亞洲 ！衷心祝願大埔足球會亞冠二獲得佳績，搏盡無悔！
大埔民政處一直為培訓大埔地區青年球隊提供資源；球隊青訓體系培育嘅年輕球員有近60%畢業生進入本地職業梯隊，展現地區體育嘅蓬勃活力，實現「區隊育人」嘅典範！
勝利巡遊啟動禮出席嘉賓包括新界鄉議局主席劉業強、中聯辦新界工作部副部長李功勛、中國香港足球總會主席霍啟山、政制及內地事務局副局長胡健民、大埔民政專員陳巧敏，大埔足球會會長葉吳彬彬、主席林奕權及領隊葉志雄。
