@ 
颱風韋帕周末吹襲，但無阻油尖旺區議員及關愛隊喺安全情況下出動支援居民。
1.例如區議員楊鎮華、佐敦南關愛隊隊長陳錦榮及佐敦北關愛隊隊員，八號風球一除下就到廟街及新填地街了解販商及排檔情況，同埋幫手清理吹到街上嘅雜物。
2.另一例子係區議員孫智敏喺油麻地一帶睇吓有冇棚架及水浸等問題。其他區議員包括楊子𤋮、歐楚筠、黃建新、鄧銘心及李思敏等及關愛隊亦有報告區內情況。
3.颱風期間尖沙咀諾士佛台一條後巷曾經水浸，區議員潘景和尋日一早就同義工到場進一步清理淤塞。
4.同其他區一樣，油麻地嘅臨時庇護中心喺八號風球於傍晚解除後繼續運作，方便使用者，油尖旺民政專員余健強周末兩日到場視察，確保運作正常。
颱風期間油尖旺關愛隊照樣出動送上關懷。
5. 油尖旺民政處接到轉介，得悉區內一名長者因家庭原因情緒受困。區議員蔡少峰同大角咀南關愛隊當晚即時上門安慰伯伯，亦轉介個案畀社署跟進。
6.另外區內一位婆婆因擔心年邁丈夫獨自喺醫院，於是向關愛隊求助。區議員潘景和及尖沙咀西關愛隊即刻到醫院探望伯伯，全程陪佢由急症室轉至病房。
@ 
@