關愛隊無懼風雨無私奉獻感動大埔街坊

颱風韋帕吹襲下,在大埔區有多宗窗門受損鬆脫甚至墮下情況,關愛隊同區議員喺十號颶風下為居民提供及時支援,展現「風雨無情 人間有愛」,街坊由衷感激!

1) 關愛隊成員收到街坊求助,指其年邁母親與傭工居於大埔舊墟嘅單位房間有窗戶飛脫跌到街上,另外兩隻窗亦無法關上。由於婆婆年紀大行動不便,其女兒非常擔心,所以聯絡大埔舊墟及太湖小區關愛隊。關愛隊知道情況後馬上聯絡上婆婆及報警。同一時間,多支大埔區關愛隊之間彼此溝通,由喺附近嘅區議員兼關愛隊成員隨即跟進,在安全情況下雖有10號風球但帶齊工具到單位,確認住戶安全,並幫忙圍封窗框已跌落街嘅窗口位置,避免狂風暴雨造成人身和財物損害。事後,求助街坊親筆寫上感謝信,感謝同讚揚關愛隊風雨無阻向有需要街坊伸出援手,展現「風雨無情 人間有愛」。

2) 另外,大埔富亨邨有居民家中窗鉸受強風損壞唔能夠關窗、窗框幾乎飛脫嘅驚險情況。關愛隊即時安排兩位住喺同一大廈嘅隊員到場協助,情況緊急下暫時利用住戶家中嘅麻雀板封緊窗口作臨時措施,避免強風對單位造成破壞並危害屋內住戶安全。成功化險為夷後,居民亦喺網上平台特別感謝關愛隊幫助。

街坊對於關愛隊同區議員嘅無私奉獻表示由衷感謝,我哋對於能夠幫市民排憂解難亦感到十分滿足。

** BP大平台文章文責自負,不代表本公司立場 **

Posted in 未分類 Tagged , 文章群組:

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *