Chill級青年@北區 – 夏‧音樂祭2024

由香港青少年服務處賽馬會天平綜合青少年服務中心同北區民政處合辦嘅「Chill級青年@北區 - 夏‧音樂祭2024」7月28日晚喺粉嶺和興社區會堂舉行，畀一眾年輕音樂人以rock會友！

活動吸引多隊熱血嘅年青樂隊上台表演J Rock同Pop Rock，每隊風格獨特。表演歌曲亦有正面信息，鼓勵青少年為夢想努力。活動更設唱作人分享環節，畀參加嘅青年了解音樂創作嘅心路歷程，同埋點克服困難，鼓勵青少年建立同探索自己嘅興趣，一齊熱血追尋夢想，正能量滿瀉！