@ 
除咗油尖旺防火會上個禮拜嘅大灣區交流團，今個月油尖旺民政處仲有份參與另外兩個青年交流團：
1.上周，油麻地街坊會理事長張家豪帶領40名不同族裔嘅青少年去咗東莞。
兩日一夜交流行程豐富，除咗去博物館及參加無人機製作等活動，不同族裔嘅參加者表演民族舞，東莞嘅同學仔就表演空靈鼓及古箏等。
油尖旺民政專員余健強參加部份行程，開心見到青少年真正共融。
專員亦恭喜油麻地街坊會，建基於去年過百名少數族裔青少年去佛山嘅經驗，今年再次善用「非中國籍通行證」措施，順利出團。
2. 香港中華總商會副會長樊敏華帶領過百名油尖旺中學同學，到東莞廣州交流。
專員同青少年一齊參觀東深供水紀念園，之後回港，交流團就繼續參觀人大代表中心聯絡站、企業，同體驗非遺文化活動。
