@ 
颱風韋帕上星期日(20/7)來勢洶洶吹襲本港 ，對沙田多個小區構成影響。其中，沙田廣善街錶位停車場一棵近10米高嘅大榕樹 ，因抵受唔住強風而連根拔起，壓中4輛停泊車輛 ，所幸無人受傷。
沙田民政處得悉事件後，立即聯絡相關負責政府部門(包括路政署、警務處、消防處同康文署)、區議員、關愛隊與中國建築應急義工隊，尋求方法盡快移除塌樹並恢復停車場及附近道路運作。經統籌及集合社區嘅資源同力量後，隊伍已於今早(23/7)完成前期預備工作，正式展開塌樹清理工程 ，沙田民政專員余懷誠今早亦到訪行動現場，感謝中建義工隊熱心服務社區，以及關愛隊在場協助，並為佢哋打氣 。
民政處特別感謝中國建築應急義工隊 ，積極發揮專業高效、「急市民所急」嘅精神，連日為行動進行溝通及規劃，又派出工程人員及大型工程車輛工具 支援行動，及安排交通督導員提醒駕駛人士注意停車場圍封安排。義工隊亦預備咗固定塌樹嘅大型鐵架、及製作場地航拍圖，有助各方更了解塌樹狀況。
民政處亦感謝中國建築國際集團副總裁陳恒鑌、立法會議員李世榮、沙田區議員姚嘉俊、陳敏娟同朱煥釗，以及幾位小瀝源村代表等為今次行動嘅付出。民政處、區議員及關愛隊會繼續合力發揮「民政幫到你」精神，聯同社會各界全心全意服務社區 。
