@ 
荃灣民政處及荃灣區防火委員會聯同香港消防處近日籌辦一連串防火宣傳教育活動，致力加強舊樓及「三無大廈」居民嘅防火意識及應急知識。
派發「防火三寶」
防火會委員、消防處 、消防及救護青年團荃灣區團員 早前喺荃灣眾安街及三陂坊一帶嘅舊式大廈進行探訪，向居民派發「防火三寶」 —— 即滅火筒 、滅火氈及獨立火警偵測器，協助居民提升家居消防安全。委員向居民細心講解 相關設備嘅使用方法同注意事項，有居民表示 有咗「防火三寶」後，生命財產更有保障 。一眾委員又齊齊向市民派發單張 同紀念品 ，宣傳家居防火、火警逃生同使用滅火筒等信息，反應熱烈 。
荃灣區防火應急講座
防火會7月28日邀請消防處代表喺荃灣舉行防火應急講座，講解舊式唐樓常見嘅火警成因、遇上火警時如何應對、防火小貼士 等實用知識，亦向大廈業主簡介如何遵辦消防安全指示及政府嘅支援。參加者仲即場試用滅火筒 、滅火氈，熟習使用防火設備，為應急做好準備 。大廈法團委員、居民、關愛隊成員及義工都參加咗講座 ，大家都話獲益良多 ，日後會努力消除消防安全隱患 。
荃灣防火會將一如既往繼續鼓勵區內大廈、學校及機構舉辦防火講座、火警演習等教育宣傳活動，攜手 合作，將防火安全信息傳遞到社區每一個角落 ！
@