@ 
地區發展蓬勃興旺，有賴地區團體群策群力 。1974年成立嘅觀塘民聯會，過去51年來一直深耕社區，為區內居民提供各種社區服務 。最近佢哋舉行咗「觀往•知來•觀塘社區同行藝術表演計劃」，邀請區內300位老、中、青三代嘅「觀塘人」 ，攜手創作以觀塘區過去、現在與未來為主題嘅皮影戲，喺觀塘市中心公開演出 ，展現跨代合作嘅共融精神。除此之外，觀塘民聯會亦正籌辦「生命教育中心」 ，為照顧市民嘅身心靈健康出一分力 。
為慶祝香港回歸祖國28周年及觀塘民聯會成立51周年 ，觀塘民聯會尋日（23/7）舉辦聯歡晚宴。中聯辦九龍工作部副部長賴建華、民政及青年事務局 Home and Youth Affairs Bureau 副局長梁宏正、勞工及福利局 Labour and Welfare Bureau副局長何啟明及觀塘民政專員何立基等擔任主禮嘉賓，氣氛熱鬧，愛心滿溢 。
民青局副局長感謝觀塘民聯會多年來對社區嘅付出同寶貴奉獻 ，並期待更多地區團體積極參與完善地區治理嘅工作，同民政處、區議會、「三會」及關愛隊緊密合作 ，共建更和諧、興旺嘅觀塘區 。
@ 