@ 
為推廣良好及有效嘅大廈管理信息 ，23/7北區民政處、香港測量師學會、龍山分區委員會及鳳水分區委員會一齊舉辦咗「2025北區大廈管理簡介會」，同居民分享大廈管理心得同資訊。出席簡介會嘅嘉賓包括北區區議員、關愛隊隊員、法團代表同業主。現場氣氛熱烈，大家積極發問 !
《2024年建築物管理（修訂）條例》已經喺今年7月13日正式實施 。簡介會上民政處代表向大家講解《修訂條例》嘅重點，包括關於高價值採購引入招標、表決及申報嘅規定，法團財務報表 同重要文件保存 最新嘅要求等，目標係 提升法團運作嘅透明度同問責性， 促進良好樓宇管理，辦事就更得心應手 。
除此之外，香港測量師學會嘅專家，同大家講解如何做好大廈維修 ，仲有環境保護署代表簡介 《減廢回收約章》。民政處仲準備咗民政總署最新印製嘅《指南》同埋《常見問題》派畀大家！
再想知多啲有關《修訂條例》嘅詳情，可以睇吓呢個網站：
www.buildingmgt.gov.hk/tc/Policy_and_Legislation/2_10.html
