@ 
東區一直致力推廣無人機新興運動，由中國香港無人機運動總會支持、中國香港東區無人機協會、東區民政處同東區學校聯絡委員會合辦嘅「東區無人機競速賽2024」 27/7圓滿結束。參賽者要以最快速度控制無人機穿過指定嘅障礙物完成賽道，過程刺激精彩！
經過一輪比拼，學界組及公開組冠軍分別由漢華中學周梓燊同學及培僑中學陳芷晴同學奪得，而培僑中學就獲得最優秀團體獎項。
中國香港東區無人機協會嘅贊助人、顧問及東區民政助理專員潘焯匡都有出席活動，見證參賽者努力訓練嘅成果。今次比賽嘅優勝者更有機會加入東區無人機機隊，除咗未來可以代表地區出賽之外，甚至有機會代表香港出戰國際賽事，為港增光！
希望今次比賽能夠激發更多市民了解無人機運動嘅發展潛力，提升東區居民對呢項新興運動嘅認識同熱情！
