@ 
尋日（24/7），深水埗民政專員王浩宇，約咗一班少數族裔同新來港嘅朋友仔，齊齊遊覽前深水埗配水庫，了解本地供水歷史同建築美學。配水庫內嘅花崗石柱配合層層遞進嘅半圓紅磚，充滿古典美，大人小朋友都不停打卡！
今次一行40人除咗參加由水務署安排嘅配水庫導賞團之外，仲去咗品嚐多國融合菜，試勻印巴菜式同傳統餅家嘅唐餅，認識多元飲食文化。
希望旅程可以促進唔同族裔同新來港朋友之間嘅交流，互相加深認識，同時了解本地歷史建築同多國特色美食，一齊發掘深水埗作為一個多元共融社區嘅獨有魅力。
活動係民政總署「地區為本種族融和計劃」嘅項目之一。
