@ 
離島區青年發展網絡一連串嘅暑期活動已經開始咗，而喺日前（14/7）已經舉辦咗第一個暑期活動──「寵物美容興趣班」。
專業寵物美容導師向 12位學員示範同講解各種基本寵物護理技巧，如梳毛、洗耳、剪指甲等。仲教學員點樣透過小動物嘅身體反應，例如擺尾同豎耳仔等分析寵物嘅情緒。課堂完結後，大會安排咗時間畀學員同協助示範嘅狗狗模特兒──毛毛相處，導師仲分享自己養寵物嘅心得同感受 。
活動後學員們都表示除咗學識到寵物美容嘅技巧外，更明白到飼養寵物唔容易，所以決定養寵物前要諗清楚，做一個負責任、愛護動物嘅好主人 。
民政處嚟緊仲有好多唔同類型嘅活動，大家密切留意啦！
