@ 
灣仔民政處本年度嘅大廈管理宣傳活動正進行得如火如荼。灣仔區大廈管理研討會上星期四(25/7)順利舉行，好榮幸邀請到勞工處、職業安全健康局、廉政公署及香港和解中心代表，向出席嘅法團成員、業主同物管界代表，分享大廈管理實務知識並作專題探討。區議員林偉江、孫道弘同莫繡安亦喺研討會上呼籲街坊，若有大廈管理問題，可隨時搵區議員幫手。
研討會內容豐富，包括樓宇裝修維修安全、如何選用合適維修承建商、誠信優質樓宇管理同大廈管理調解個案分享及實踐。講者同居民分享日常面對嘅大廈管理工作問題及解決方法，現場氣氛熱烈，大家踴躍發問，增進咗唔少知識。
灣仔民政處亦喺灣仔活動中心同禮頓山社區會堂舉行咗兩場「灣仔區大廈管理宣傳巡迴展覽」。最後一站將喺4-17/8早上9時至晚上10時喺摩頓台活動中心舉行。歡迎各位把握機會，前來展覽了解更多。
灣仔民政處會繼續舉辦唔同主題嘅大廈管理宣傳活動，推動大廈管理工作同知識，令大廈管理工作更加順利，人人安居樂業。
@
去下都幾好, 如果多D宣傳, 早D知, 仲好!