@ 
全身暑假，不負韶華！一齊嚟睇吓大埔青年網絡同你 過一個點樣嘅暑假！
獨木舟海岸清潔義工團強勢啟航
大埔青網獨木舟海岸清潔義工團今季強勢回歸，新一輪活動一推出即刻爆滿 ！尋日（27/7），驕陽似火，大埔民政專員陳巧敏率領二十多位熱血 嘅大青成員，由Go Park Aqua啟航 ，出發去烏洲進行海岸清潔行動！
今次活動好高興同位於大埔十四鄉全新嘅Go Park Aqua合作，大家一邊努力清潔海岸線 ，一邊享受獨木舟嘅樂趣 ！隊員將清理出嚟嘅垃圾進行分類，再交到綠在太和進行妥善回收 ，為環保出一分力 ！
特別一提，新手隊員剛剛喺上月底完成訓練考獲一星章 ，今次係佢哋第一次參加獨木舟淨灘活動 ！雖然係新丁，但佢哋扒起獨木舟有板有眼，仲話早知就早啲嚟參加 ！如果你 都想加入，快啲透過HKYouth+ app 或6278 0733 WhatsApp我哋啦！
大埔青網龍舟隊成就解鎖 勇奪2025企嶺下龍舟節 商行組銀盃賽第4名
大青龍舟隊都首度喺Go Park Aqua出戰企嶺下龍舟賽事，越級挑戰成人嘅商行組別，與各大型工商機構代表比拼！
有Eunice專員現場為一眾大埔區青年網絡成員打氣，12人同舟同心向目標拼搏，喺銀杯賽僅差0.4秒就進入三甲，最終勇奪第4名，發揮「大埔青網、全力以赴 」嘅精神！
大家喺端午節後仍然無懼酷熱同高溫繼續練習 ，為嘅除咗係超越自己，更重要嘅係透過龍舟運動承傳中國傳統文化。
