@ 
從小組賽到總決賽，由朝頭早到黃昏，97場精彩賽事尋日(27/7)喺屯門蝴蝶灣體育館進行， 各隊籃球隊伍奮力拼搏競逐由如一青年基金會主辦嘅「回歸盃」各個獎項 ！
屯門民政專員關可臨、中聯辦新界工作部處長李偉希、屯門警區分區指揮官常俊傑、消防處新界北總區西區分區指揮官黃宇輝、如一青年基金會主席鄧富仁，同埋一眾嘉賓到場支持打氣及頒發獎項畀各得獎隊伍同MVP。
今年參賽嘅隊伍數量再創新高 ，賽程非常緊湊，參賽嘅屯門區青年球員展示咗佢哋對籃球嘅熱血 同堅持，憑著堅毅意志 ，發揮香港人勤奮、努力不懈拼搏精神，爭取最好嘅成績。比賽除咗係賀回歸28周年 活動，亦同時推廣香港承辦第15屆全國運動會男子22歲以下籃球組賽事，鼓勵大家全情投入全運會熱潮。
