Chill級青年@北區－夏·音樂祭

由香港青少年服務處賽馬會天平綜合青少年服務中心 聯同北區民政處主辦嘅「 Chill 級青年@北區－夏·音樂祭」喺剛過去嘅周末（26/7）圓滿落幕！ 八支各具特色嘅北區青年音樂隊伍 齊聚和興社區會堂 ，輪番上陣，全力唱出原創音樂，全晚27首中、英、日文作品輪番上演，情歌 、勵志歌 、追夢chill歌 應有盡有；而台下90位觀眾熱情互動，掌聲同歡呼聲此起彼落～

大會亦特別安排每隊表演後，由唱作人即場分享作曲心路歷程 ，同觀眾一齊細味作品背後嘅故事 。唔少唱作人都希望透過歌詞勉勵同行伙伴面對挑戰，奮勇向前。

嚟緊北區將會有更多精彩嘅青年音樂祭登場，大家唔好錯過，繼續支持北區青年 投身音樂世界，寫低屬於自己嘅成長篇章。