@ 
中區少年警訊諮詢會及領袖訓練營於7月29及30日，一連兩日於香港青年協會賽馬會西貢戶外訓練營舉行。入到去營地之後，一眾中區少訊領袖率先挑戰攀石項目，咪睇個幅牆好似簡簡單單咁，其實攀上去都需要大勇氣㗎！當會員係高空不知所措嘅時候，教練悉心地指導領袖們，克服障礙。過程中，會員們互相激勵，發揮領袖才能，最終每位都成功登頂 。
到第二日，一眾少訊領袖挑戰獨木舟！天氣雖然炎熱，但都無阻一眾領袖們勇於嘗試及挑戰的決心。 而當教練教導完基本獨木舟技巧後，領袖們互相配合，團結協作完成上落艇。
透過今次為期兩日嘅領袖訓練營，一眾領袖不僅鍛煉了體魄，更提升了團隊合作、解決問題和勇於嘗試嘅精神，成為真正嘅「青年領袖，滅罪夥伴」。
