@ 
1.匹克球(pickleball)越嚟越受歡迎，宜家社區中心都有得打啦。
油尖旺民政處最近喺梁顯利油麻地社區中心嘅禮堂同多用途球場，加上匹克球線同球網，讓「梁顯利」室內外都可以打匹克球。
前日(27/7)舉行啟用禮，油尖旺民政專員Edward同立法會議員Vincent一隊，喺表演賽同青發會副主席Kenneth 議員及中國香港網總會長Michael對打。
新成立嘅油尖旺匹克球區隊前日就喺梁顯利比賽，屬青年節活動，區隊日後會參加網總嘅比賽，特別鳴謝油尖旺青發會轄下社區體育委員會副主席黎廣業安排。
2.前日，油尖旺同深水埗兩區嘅地區組織喺旺角麥花臣球場，合辦慶回歸足球邀請賽 ，幾隊港超球隊參加。
民政總署副署長易志宏主禮，鄭泳舜議員同余專員等一齊頒獎。
@ 