@ 
「騙徒手法層出不窮」 ，大家要時刻保持警覺 ，小心提防騙子 ，千祈唔好上當！為咗提高大家嘅防騙意識 ，同時慶祝香港回歸祖國28周年 ，喺啱啱過去嘅星期日(27/7)，荃灣區馬灣關愛隊喺馬灣珀麗灣碼頭前地舉辦咗別具意義嘅「七一回歸•馬灣標語設計比賽頒獎典禮暨防騙嘉年華音樂會」
大會邀請到荃灣民政助理專員張澤豪、荃灣區撲滅罪行委員會主席羅少傑、馬灣鄉事委員會副主席范樹明、荃灣葵青居民聯會會長張浩明、葵青警區警民關係組助理警民關係主任梁麗丹，以及來自居民組織同學校嘅代表等擔任主禮嘉賓。馬灣關愛隊隊長陳建鴻致歡迎辭後，隨即進行回歸標語設計比賽頒獎典禮 ，得獎作品以簡潔有力嘅文字 ，抒發對香港回歸嘅喜悅之情同埋對祖國嘅熱愛 ，認真唔簡單呀 ！
隨後，大會邀請到3位騙案苦主，分享佢哋被騙嘅經歷 。佢哋不約而同都話，佢哋願意企出嚟分享佢哋嘅故事，係希望可以警惕其他人。騙案無處不在，每個騙案嘅背景、形式和時長都可以好唔同，但騙徒總會用耐性去換取受害人嘅信任 ，一步一步咁令受害者跌入騙徒嘅圈套。
除咗有受害人親自分享自身經歷外，大會亦有舉辦防騙講座，由新界南總區防止罪案辦公室黎德明警長同大家分享防騙知識 ，講解騙徒最新嘅行騙手法同埋防騙貼士 。警方仲喺活動現場設置咗防騙宣傳攤位，向到場嘅街坊好友派發防騙紀念品 ，大家聽完防騙講座之後，仲可以將防騙資訊帶番屋企添 ！
活動壓軸部份係音樂表演 ，現場氣氛熱烈，大家都投入其中，提升社區凝聚力之餘 ，亦讓居民渡過咗一個輕鬆愉快嘅下午 。
未來，荃灣區各關愛隊會繼續為大家帶嚟更多有意義、有趣味 、又有教育性 嘅社區活動，一齊守護美好家園 ！
