@ 
香港運動員喺奧運表現堅毅，成績驚喜！大埔區青年網絡亦繼續以運動派送關愛，連結社區！
大埔民政專員陳巧敏7月30日連同香港道教文化協會創會副會長陳佇銘、佛教大光慈航中學梁穎媛校長、大埔區議會增選委員梅迪文，率領大埔康樂園小區關愛隊，及30多位大埔青網同香港道教文化協會青年義工，無懼風雨，一齊踩單車入大埔營盤下村關愛送暖！
一眾義工先踩單車到大埔墟火車站及大埔工業邨收集本地製造商提供嘅飲品同點心，之後前往營盤下村寮屋區匯合大埔區康樂園小區關愛隊，探訪村內近20戶長者，將愛心福袋同祝福帶畀佢哋，再次展現大埔青網熱心服務社區嘅精神！
