@ 
「十面埋『服』社會創新服務大賽」 由願景基金會主辦，旨在鼓勵參加者將創意融入義工服務 ，令義工服務變得更多元化 。
比賽嚟到第12屆，今屆主題係「愛·無限可能」 ，意指透過義工服務將人與人之間嘅愛連繫起嚟 ，發揮無限可能性，為社會注入正能量 。今屆一共有23隊參賽隊伍，以唔同嘅創意義工計劃，例如「財情Super Kids」理財教育工作坊、「伴你瞳遊」社會樂融計劃以及「小手牽大手，一齊碳世界」環保教育活動，服務唔同年齡、國籍、文化背景嘅社群 ，今年嘅受惠人數仲超過兩萬人 。
7月27日，願景基金會喺饒宗頤文化館舉行頒獎典禮 。署理民政總署署長易志宏同深水埗民政專員王浩宇都有到場支持各參賽者，並向得獎隊伍頒發獎盃 ，以示鼓勵 。
寄望各參賽隊伍無論有冇得獎都能夠繼續保持初心 ，喺各自嘅領域同專長，發揮創意服務社群 ，點亮他人 。
@ 