@ 
油尖旺關愛隊七月份除咗家居關懷及颱風後幫手外，亦有下列跨隊活動。
1.油尖旺民政處尋日（29/7）再次同20支關愛隊小隊見面，討論第一期餘下工作嘅安排及下期嘅準備，油尖旺民政專員余健強再次多謝各位隊員及義工。
2.地區團體尋日捐贈水袋及銅鎖等應急物資畀油尖旺關愛隊，專員、油尖旺關愛發展基金主席姚明耀及秘書長楊子熙等出席儀式。
3. 上星期（22/7），油尖旺六支關愛隊小隊喺梁顯利油麻地社區中心合辦活動，向區內逾百位長者、基層及有需要人士講解健康資訊，及提供即場健康檢查。
4. 早喺關愛隊成立之初，九龍樂善堂已開始為油尖旺關愛隊舉辦共八個主題嘅培訓班，內容包括防騙、團隊合作、精神健康管理及照顧者壓力舒緩等。最後一堂近日（25/7）完結，專員再次多謝樂善堂 。
