@ 
粵劇係中國非物質文化遺產 。灣仔民政處聯同灣仔區文娛康樂體育會及康樂及文化事務署，精心策劃「灣仔齊慶賀回歸27周年粵劇欣賞會」 ，為區內居民呈獻經典粵劇戲寶《三笑姻緣》，並同大家共賀回歸。
活動由民政總署贊助，30/7喺香港大會堂敲響鑼鼓。主辦單位邀請咗粵劇名伶蓋鳴暉、吳美英等擔綱演出，其精湛技藝，將呢段經典故事演繹得淋漓盡致。活動吸引過千名觀眾到場欣賞，演出期間台下觀眾熱烈鼓掌。灣仔民政專員張雁伶、中聯辦代表、立法會議員郭偉强、灣仔區議員、灣仔文康會首席會長暨大會主席貝鈞奇、會長蒲鳳屏、主席陳永錦及多個部門代表亦親臨支持。
灣仔民政處與文康會未來會繼續攜手為灣仔居民帶來更多精彩嘅文娛活動，推動各類文化藝術，豐富居民嘅社區生活，畀大家一齊感受更多中華文化之美。
