8 月 15 日，就係我哋大熊貓孖寶加加同得得嘅一歲生日呀！南區民政處誠意邀請大家一齊嚟慶祝呢個開心日子！
1) 快閃派對 + 免費貼紙派發
15/8 當日，南區指定地點會有超級熱鬧嘅快閃生日派對，仲免費派發印住加加同得得嘅靚靚貼紙，紀念意義滿滿！就算當日趕唔到都唔使急，由 18/8 起，南區各區議員辦事處同南區民政諮詢中心都有得拎～ 不過貼紙數量有限，派完就無啦，大家記得快手啲呀！
2) 暖心熊貓月餅 Bake & Share
多謝煤氣公司嘅慷慨贊助，15/8 當日，南區嘅青年同小朋友會一齊拍住上，齊齊整「暖心熊貓月餅」，之後送比區入面嘅小朋友同老友記，一齊分享熊貓小孖寶一歲嘅喜悅呀！
3) 熊貓孖寶打卡點
香港仔海傍道同海濱公園都設咗熊貓生日打卡點，區入面仲有好多街道牌同小巴，都會換上小孖寶生日主題嘅布置，等成個南區都充滿慶生嘅歡樂氣氛～
約定大家 8 月 15 日見啦！
@ 
