@ 
1. 議辦實務講座
一眾深水埗區議員喺17/7岀席咗以「識變·應變·求變」為主題嘅議員辦事處工作實務講座，仲有資深社區工作者簡志豪主講，向新任議員及議員助理分享區議會作為地區治理嘅重要一環，要發揮好特區政府同市民之間嘅橋樑紐帶作用，切實做到「上情下達、下情上報」。
深水埗民政專員兼區議會主席王浩宇亦有到場支持活動，肯定區議員過往喺地區工作上所付出嘅努力，同時表示期望日後有更多機會同區內唔同持份者交流應對各項議題嘅經驗，共同建設更宜居幸福嘅深水埗。
2. 會見市民計劃: 流動會客室
昨日（31/7），深水埗區議會喺長沙灣麗閣商場對出空地舉行第4次「流動會客室」。今次當值嘅兩位議員即場聆聽市民意見並解答疑難，當中包括房屋、醫療及環境衞生等多項民生議題。深水埗民政專員兼區議會主席王浩宇亦有親身到場，直接從市民口中了解區情，支持議員嘅前線工作，以加強政府同市民之間嘅雙向溝通 。
下面係咗深水埗區議會未來3次「流動會客室」嘅時間地點，希望到時再同大家見面！
「流動會客室」 時間表
地點: 長沙灣麗閣商場對出空地
* 14/8 2pm - 4pm
* 18/9 4pm - 6pm
* 23/10 4pm - 6pm
@