@ 
為迎接全運會，大埔區青年網絡尋日（31/7）舉辦「羽」你同樂活動，邀請到港隊羽毛球代表兼大埔青網青年大使鄧俊文到大埔墟體育館，與一眾青網會員以及署理大埔民政專員Johnny交流球技。俊文唔止同大家進行多場友誼賽 ，仲畀咗好多真切嘅勉勵，達到「友誼第一、比賽第二」，場面歡樂又溫馨。
除咗想借羽毛球活動增進成員之間嘅友誼同鍛鍊良好體格外，身為大埔青網大使嘅俊文特別向大家分享佢一直以嚟打羽毛球比賽嘅心路歷程，鼓勵大家無論遇上順境或逆境都要永不放棄同自強不息 ，咁樣面對任何困難同挑戰先可以迎難以上 ，跨越每一個難關！
難得場上遇到冠軍級球手，一班青網成員都踴躍上場同俊文切磋！ 同場仲安排咗別開生面嘅小遊戲，只要將羽毛球打到指定落點 ，就可以得到俊文親筆簽名 嘅大埔青網T-Shirt ！大家為咗拎大奬都紛紛施展渾身解數，但無論能唔能夠獲得奬品，都無阻一班小fans把握機會向俊文索取簽名兼一齊「打卡」啦！
大埔區迎全運Get Set GO！
如果想知道更多大埔區青年網絡嘅活動，快啲透過民政及青年事務局 Home and Youth Affairs Bureau最新手機apps HKYouth+ 報名啦！
