@ 
屯門青山公路近青榕街於今日(2/8)中午時分黑色暴雨警告取消後發生食水管爆裂，水務署即時派員到場搶修。為配合緊急水管維修工程，水務署下午公布，需要喺下午3時左右開始暫停青榕街附近屋苑嘅食水供應。
屯門民政處同水務署確認信息後，立即聯絡區議員及動員關愛隊協助應急工作，運用區議員同關愛隊已建立嘅地區網絡，透過社交媒體及即時通訊軟件等方式，向當區受影響嘅居民廣發水務署嘅緊急停水信息，以及各個水車或水缸位置（包括兩架水車及八個水缸），畀居民接收到最新嘅資訊，方便取水使用。
除當區的議員及關愛隊外，鄰近嘅關愛隊都一齊出動，齊心支援及協助居民，務求將停水嘅影響減至最低 。
按照水務署嘅公布，預計可於明早6時前恢復供水。水務署正全力進行搶修工作，民政處亦都會秉持「民政幫到你」嘅精神，全力支援同協助受影響嘅居民 。
@ 
@