香港紀律部門飛鏢聯賽國安盃 海關飛鏢會勇奪金盃賽亞軍

由香港飛鏢聯合總會主辦嘅「香港紀律部門飛鏢聯賽國安盃2025」於8月2日圓滿結束。來自香港海關、香港警務處、入境事務處、懲教署、香港消防處及民眾安全服務處嘅6支代表隊經歷五個月雙循環比賽激烈嘅角逐，海關飛鏢會嘅代表隊勇奪金盃賽亞軍，為歷屆最好成績！

保安局局長鄧 Sir 同海關關長陳 Sir 都有親身到場，觀賞決賽賽事及參與頒獎禮～ 睇到各位選手喺賽場上專心致志、全力以赴，加埋現場隊友嘅吶喊助威，整個飛鏢聯賽充滿活力與激情，可以見到飛鏢比賽促進各紀律部隊彼此間嘅交流及聯繫。