@ 
為咗令區內同學仔更了解區議會嘅工作，九龍城區議會轄下社區活動策劃及推廣區議會工作小組，聯同民政處轄下九龍城青年發展網絡「Y-Dragon 計劃」，喺7月暑假期間邀請約20位中學生成為影子區議員，體驗佢哋嘅工作日常，並喺7月31日旁聽九龍城區議會轄下交通運輸委員會會議。
同學仔先跟隨區議員親身參與多項社區事務，包括參觀社區設施、參與街站活動、體驗辦事處工作以及探訪居民等。之後，佢哋到九龍城區議會旁聽交通運輸委員會會議，了解議會嘅運作。喺旁聽會議後，同學們與工作小組主席利哲宏博士及一眾區議員進行交流，並分享參與是次活動嘅感受。同學們都表示參與今次活動後，對區議員嘅日常工作有更深入嘅了解，並感受到區議員為社區服務嘅熱誠。
今次活動不但加深咗九龍城區青年對區議會工作嘅認識，更鼓勵佢哋積極參與地區事務，共同為社區發展貢獻力量。九龍城民政處同區議會將會繼續舉辦更多多元化嘅活動，加深市民對九龍城區議會工作嘅認識。
