@ 
大埔民政專員陳巧敏連同大埔區青年發展及公民教育委員會主席黃欣欣、國民教育及青年交流工作小組召集人郭永強、大青活動策劃委員會副主席葉吳彬彬及E青基金主席葉志雄，率領30位大埔青網成員，喺7月29至8月3日親身認識祖國與阿聯酋喺「一帶一路」框架下嘅 合作項目、香港同阿聯酋嘅經貿發展同探索中東海灣國家多元文化以及新能源項目。
國家駐迪拜總領事館
考察團拜訪國家駐迪拜總領事館，由總領事歐渤芊親自接見及聽取匯報，涵蓋「一帶一路」國家政策於中東國家嘅實踐、港迪未來合作及策略，以及中阿經貿發展 等。歐領事對於大埔青年嘅匯報作出高度評價 ，表示考察團成員事前研究工作紮實、對中阿合作策略有深入探討！
香港中東經貿協會+阿聯酋粤商會
2024年，阿聯酋係香港第六大出口市場、喺中東地區計最大嘅貿易夥伴。香港出口到阿聯酋嘅貨物總值為122億美元。考察團探訪咗香港中東經貿協會及阿聯酋粤商會，並喺香港中東經貿協會創會會長沈運龍嘅安排下，實地參觀港資企業在當地營運嘅情況。大埔青年與當地華僑同商界領袖互相交流 ，了解佢哋喺中東地區營商遇到嘅挑戰同機遇，一同促進祖國與迪拜經貿合作成果。
迪拜DEWA能源創新中心
項目係國家及沙特阿拉伯一帶一路合作項目，係全世界最大單一太陽能公園，為達成2050碳中和目標作出積極安排，並探討香港與阿聯酋喺綠色科技嘅發展潛力。
香港駐迪拜經貿辦
大埔青年亦參訪香港駐迪拜經濟貿易辦事處，署理處長潘量海接待同講解兩地經貿合作🫱🏻🫲🏻、文化交流、以及香港喺中東區域嘅戰略定位與發展機遇。大青成員亦積極分享對十四五規劃下香港嘅定位、以及香港同迪拜作為金融中心如何促進互利共贏嘅見解，增進國際視野與大局觀。
考察團亦到訪阿聯酋首都阿布扎比，參觀總統府、清真寺同博物館，了解阿聯酋嘅政治、宗教同藝術發展情況；以及迪拜舊城區歷史建築群、當地傳統市場、未來博物館等，體驗當地歷史文化。
活動順利舉行亦多謝大埔區青年網絡活動策劃委員會副主席林奕權、副主席葉吳彬彬、大埔區青年發展及公民教育委員會主席黃欣欣以及香港工商總會大埔分會主席陳子健贊助部分經費，以及大埔區各中學鼎力支持 。
今次考察團參加青年來自大埔十二間中學及全港兩間大專院校。參與交流團嘅大青成員必須提交文章 同參與大埔青網義工服務，並經過面試評審 過五關斬六將先可以入選本團 今次有10%團員係透過民政及青年事務局 HKYouth+ 得知活動並報名參加。是次考察團由大埔青年活動及公民教育委員會、大埔青年網絡及大埔民政處合辦。
