@ 
今年暑假，大家最期待嘅交流團開始啦。8月4日，少訊會員由九龍城警區指揮官陳少鳴總警司連同九龍城區少年警訊名譽會長會主席劉偉光先生 MH、名譽顧問 呂漢輝先生以及名譽會長汪紅女士，帶領30名少訊會員，由香港國際機場搭前往天府之國四川成都，展開5日4夜精彩嘅旅程。
初到四川，隨即有激勵人心嘅交流團啟動禮少訊們仲有得品嚐豐富嘅川菜及 睇到精彩嘅國粹「川劇變臉」表演，睇到大家都拍爛手掌啊。
首日行程嘅結尾當然唔少得夜市環節，大家嚟到400米長嘅 寛窄巷子中「川梭」，除咗見識到四川特色建築食到川味小食，欲拒還迎嘅麻辣滋味。會員食過都話掂啊，第一日已經咁好玩令少訊們更期待之後嘅行程。
@ 